“When the last tree is cut down, the last river is poisoned, and the last fish is caught, man realizes that he cannot eat money!”
ഈ വാക്കുകൾ വികസനത്തിന്റെ ലഹരിയിൽ ലോകം പണ്ടേ മറന്നതാണ്. വൻകിട ഫാക്ടറികളും ആകാശമുട്ടുന്ന കെട്ടിടങ്ങളും വിശാലമായ ഹൈവേകളും മാത്രമാണ് പുരോഗതിയുടെ അടയാളമെന്ന് നാം വിശ്വസിച്ചു. അതിനായി കാടുകളെ നമ്മൾ വെട്ടിപ്പിടിച്ചു കൊണ്ടേയിരുന്നു. എന്നാൽ, ഈ വിനാശകരമായ ചിന്താഗതിയെ തിരുത്തിക്കൊണ്ട്, പച്ചപ്പ് നിലനിർത്തിക്കൊണ്ട് തന്നെ ഒരു രാജ്യത്തിന് എങ്ങനെ കോടീശ്വരനാകാമെന്ന് കാട്ടിത്തരികയാണ് മധ്യ അമേരിക്കയിലെ 'കോസ്റ്റാറിക്ക' എന്ന കൊച്ചു രാജ്യം. ഒരുകാലത്ത് വനനശീകരണത്തിന്റെ കരിനിഴലിലായിരുന്ന ഈ രാജ്യം ഇന്ന് ലോകത്തിന് മുന്നിൽ ഒരു ഹരിത അത്ഭുതമായി മാറിയത് എങ്ങനെയെന്ന് നോക്കാം.
