മഴവെള്ളപ്പാച്ചിലിൽ തകർന്ന വട്ടവട കൊട്ടക്കാമ്പൂർ - തട്ടാമ്പാറ റോഡിലെ ചക്ലിനോട പാലം എഫ്. രാജ എം എൽ. എ ,ജില്ലാ കളക്ടർ ഡോ. ദിനേശൻ ചെറുവാട്ട് എന്നിവർ സന്ദർശിച്ചു. പാലം പുനർനിർമിക്കുന്നതിന് അടിയന്തര നടപടി സ്വീകരിക്കുമെന്ന് എം.എൽ എ ഉറപ്പു നൽകി. തട്ടാമ്പാറ ഭാഗത്ത് ഒറ്റപ്പെട്ടു പോയവർക്ക് വട്ടവടയിലേക്കെത്തുന്നതിന് അടിയന്തരമായി താൽക്കാലിക സംവിധാനമൊരുക്കാൻ കളക്ടർ റവന്യൂ, പഞ്ചായത്ത് അധികൃതർക്ക് നിർദ്ദേശം നൽകി. ഞായറാഴ്ച ഉച്ചകഴിഞ്ഞു പെയ്ത ശക്തമായ മഴയേ ത്തുടർന്നാണ് പാലം ഒലിച്ചു പോയത്.